NISI DOMINUS
Nisi Dominus aedificaverit domum,
In vanum laboraverunt qui aedificant eam.
Nisi Dominus custodierit civitatem,
Frustra vigilat qui custodit eam.
Vanum est vobis ante lucem surgere:
Surgite postquam sederitis,
Qui manducatis panem doloris.
Cum dederit dilectis suis somnum;
Ecce hereditas Domini, filii:
Merces, fructus ventris.
Sicut sagittae in manu petentis:
Ita filii excussorum
Beatus vir qui implevit desiderium suum
Ex ipsis: non confundetur
Cum loquetur inimicis suis in porta.
Gloria Patri et Filio
Et Spiritui Sancto
Sicut erat in principio;
Et nunc et semper
Et in saecula saeculorum.
Amen.
